donator CERTS

უფასო სერტიფიკატები

უფასო სერტიფიკატები ბიზნესსა და ფინანსებში

ფინანსების სფეროში ცნობილი კრედენციალები თითქმის ყველა ფასიანია, ამიტომ აქ მთავარი უფასო აქტივი პროგრამული უზრუნველყოფის სერტიფიცირებაა, ანუ ის, რაც დამსაქმებელს პირდაპირ ეუბნება, რომ კონკრეტულ სისტემაში მუშაობა შეგიძლია. ამას ემატება საბანკო და საკონსულტაციო კომპანიების სამუშაო სიმულაციები.

ბოლოს შემოწმდა:

13 სერტიფიკატი · ბიზნესი და ფინანსები

თითქოს უფასოა, სინამდვილეში არა

  • Alison

    კურსი უფასოა, სერტიფიკატი კი ფასიანი: დაახლოებით €21-26, დიპლომი €34-37. უფასოდ მხოლოდ Learner Record გაიცემა, რაც ამონაწერია და არა სერტიფიკატი.

  • Coursera Financial Aid

    აღარ არის გარანტირებული 100%. დამტკიცების შემთხვევაში ეს არის 50-100% ფასდაკლება, რომელიც ქვეყანაზეც არის დამოკიდებული. განაცხადი თითო კურსზე ცალკე შედის, სპეციალიზაციაზე არა, პასუხს კი 16 დღემდე სჭირდება.

  • Great Learning Academy

    გვერდის სათაურში წერია უფასო სერტიფიკატი, მათსავე FAQ-ში კი, რომ სერტიფიკატი კურსის დასრულებისა და საფასურის გადახდის შემდეგ გაიცემა. საფასური მხოლოდ ბოლოს ჩნდება.

  • edX და FutureLearn

    მასალა უფასოა, სერტიფიკატი კი ფასიანი. edX-ის ფინანსური დახმარება 80% ფასდაკლებაა, ანუ ბარათი მაინც სჭირდება. FutureLearn-ის უფასო წვდომა კურსის ხანგრძლივობას პლუს 14 დღეს შემოიფარგლება.

  • IATA

    უფასო IATA-ს სერტიფიკატი არ არსებობს. საიტები, რომლებიც უფასო IATA სერტიფიცირებულ კურსს გპირდებიან, საკუთარ დოკუმენტს გასცემენ და არა IATA-სას.

როგორ წავიკითხოთ ეს სია

თითოეულ ჩანაწერზე სამი რამ წერია: რა ტიპის დოკუმენტს იღებ, რამდენად წონიანია ის დამსაქმებელთან და როდის შემოწმდა ბოლოს თავად პროვაიდერის გვერდზე. ნიშნული გამოცდაც უფასო ყველაზე იშვიათია და ყველაზე მეტს ნიშნავს: ის ამბობს, რომ თავად საკვალიფიკაციო გამოცდაშიც არაფერს იხდი.

სადაც ჩანაწერს წითელი ხაზით გამოყოფილი შენიშვნა აქვს, იქ რაღაც პირობა ან რისკია: ვადა, ქვეყნის შეზღუდვა, სტუდენტის სტატუსის მოთხოვნა ან ის, რომ რაღაც ვერ დავადასტურეთ პროვაიდერის გვერდზე. ეს შენიშვნები დამალული არ არის, რადგან სწორედ ისინი წყვეტს, დაკარგავ თუ არა საღამოს.

თუ ამ სფეროში მუშაობას ეძებ, ნახე დისტანციური ვაკანსიები და შეადარე, რა უნარებს ითხოვს დამსაქმებელი სინამდვილეში.

ხშირად დასმული კითხვები

არსებობს თუ არა ბიზნესისა და ფინანსების მიმართულებით მართლა უფასო სერტიფიკატები?

დიახ. ამ გვერდზე შეკრებილია მხოლოდ ის ბიზნესისა და ფინანსების სერტიფიკატები, სადაც თავად დოკუმენტი უფასოა და ბარათი არ ითხოვება. მაგალითად, Xero: Xero Advisor Certification. თითოეულ ჩანაწერზე მითითებულია, რა ტიპის დოკუმენტს იღებ და როდის შემოწმდა ბოლოს.

საიდან უნდა დავიწყო, თუ ბიზნესი და ფინანსები ჩემთვის ახალი სფეროა?

დაიწყე იმ ჩანაწერიდან, რომელსაც ძლიერი ბრენდის ნიშნული აქვს: ეს ნიშნავს, რომ დოკუმენტს თავად ვენდორი ან აღიარებული ინსტიტუცია გასცემს და დამსაქმებელი მას ცნობს. ორი ასეთი სერტიფიკატი უფრო მეტს ნიშნავს, ვიდრე ათი დასრულების ქაღალდი კურსების მარკეტპლეისიდან.

რას ნიშნავს ამ სიაში სიტყვა უფასო?

იმას, რომ თავად დოკუმენტი, სერტიფიკატი ან badge, არაფერი ღირს. ეს არ არის იგივე, რაც უფასო კურსი: ბაზარზე ყველაზე გავრცელებული სქემა სწორედ ისაა, როცა სწავლა უფასოა, ბოლოს კი სერტიფიკატში ითხოვენ 20-70 დოლარს. ასეთი პლატფორმები ჩვენთან სიაში არ ხვდება, ისინი ცალკე, გაფრთხილებების ბლოკშია.

საჭიროა თუ არა საბანკო ბარათი?

სიაში მოხვედრის ერთ-ერთი პირობა ისაა, რომ ბარათი არ ითხოვება: არც გადასახდელად და არც პირადობის დასადასტურებლად. იშვიათი გამონაკლისები ცალკე მონიშნულია, მაგალითად ვადიანი შეთავაზებები, სადაც ერთი გამოცდა ფასიანია და მეორე მის შემდეგ უფასოდ გეძლევა.

ხელმისაწვდომია თუ არა ეს სერტიფიკატები საქართველოდან?

დიახ. საქართველო არცერთი მსხვილი ვენდორის შეზღუდვების სიაში არ არის: AWS-ისა და Microsoft-ის წესებში განმეორებადი გამორიცხვები კუბა, ირანი, ჩრდილოეთ კორეა, სირია, რუსეთი და ყირიმია. სადაც ქვეყნის შეზღუდვა მაინც არსებობს ეს კონკრეტულ ჩანაწერზე წერია.

რომელი უფასო სერტიფიკატი ფასდება რეალურად დამსაქმებელთან?

ის, რომელსაც თავად ვენდორი ან აღიარებული ინსტიტუცია გასცემს: Google, Microsoft, Cisco, IBM, Oracle, HubSpot, ჰარვარდის CS50. კურსების მარკეტპლეისების დასრულების ქაღალდი სუსტი სიგნალია და ჩვენ მას ცალკე ვნიშნავთ. ამიტომაც ყველა ჩანაწერზე წერია, რა წონა აქვს კონკრეტულ დოკუმენტს.

თემუს რჩეული ნივთები

უფასო ბიზნესის, ფინანსებისა და მართვის სერტიფიკატები | დონატორი